Völva vikunnar, ekki svo galin!

Það var áhuga vert að rýna í spádóma Völvunnar frá síðustu áramótum. 

Um fjármál þjóðarinnar virðist hún hafa geta stillt sig inn á strauma framtíðarinnar og náð að túlka hlutina ótrúlega rétt.  Haft er eftir henni orðrétt:

Fjármálakreppa er fram undan á Íslandi, blaðran er að springa.

Það verður hrun á peningamarkaði og það syrtir í álinn hjá fólki aðeins meira en nú er.

Það verður basl hjá ýmsum í verðbréfaheiminum en það er eins og þeir sem halda sig við viðskiptin erlendis, eins og Straumur-Burðarás og fleiri fari betur út úr  málunum.

Það verður mikið tap hjá stóru fjármálafyrirtækjunum og ýmsar sviptingar og neikvæðar breytingar hjá bönkunum líka. Ég sé ekki að ríkið geti staðið við loforðin um skattalækkanir.

Það á eftir að næða eitthvað um Seðlabankann, ég sé stríð milli Davíðs og fjármálamanna, mér finnst líka hluti ríkistjórnar blandast í það.

Um stjórnmálin: Mér finnst Geir H. Harde ekki hafa sömu tök á fólkinu sín og t.d. Davíð Oddson hafði og sama finnst mér um Ingibjörgu Sólrúnu  Gísladóttur.

Um borgarmálin: ,,Hver höndin upp á móti annarri og samstarfið gengur ekki vel. Kæmi ekki mér ekki  á óvart þótt meirihlutinn springi. Ungliðarnir í flokkunum koma leiðindum af stað.

Á eftir að glugga betur í fleira, svona til gamans, en greinilega er hún ekki jafn glögg á öllum sviðum því hún spáði  einu eða tveimur eldgosum í byrjun ársins.  Meira síðar um spádóma.