Hvernig viljum við hafa þetta?

Hvernig viljum við hafa heilbrigðisþjónustuna á Íslandi? 

Við eyðum háum upphæðum í að hjálpa fullorðnu fólki, eftir að það er búið að lifa óhollu lífi eða stunda íþróttir og áhugamál sem valda því skaða. Á meðan eru börn landsins að mestu háð því hvort foreldrarnir hafi vit, vilja og fjárráð til að þau haldi tönnum sínum heilum. 

Það er ekki hægt að hugsa þá hugsun til enda að að barn skuli þurfa að þjást úr einhverju jafn sársaukafullu og tannrótarbógu hér í þessu ríka landi.

Í sumum nágrannalöndum er öll heilsugæsla barna (tannviðgerðir og tannréttingar lílka) greidd að fullu af almannatryggingakerfinu. En ekki á ríka Íslandi, ónei.

Ég hef stundum heyrt þá afsökun að tannskemdir séu bara afleiðingar þess að tennur séu illa hirtar og fólk geti sjálfu sér um kennt.  Þetta er mjög mikil einföldun á málinu því tannsjúkdómar eru svo miklu meira en bara tannáta vegna tannsýklu. Þar fyrir utan eru börn ekki fær um að hugsa að fullu um hreinlæti tanna sinna fyrr en um 12 ára aldur.

Í fullkomnum heimi hefðu foreldrar barna vit, getu og vilja til að nota tannbursta og tannþráð á börnin sín 2 svar á dag, banna gosdrykki, sætindi og láta þau borða fullkomið fæði til að halda tönnum þeirra heilum. 

En vegna þess að heimurinn er ekki fullkomin sitjum við líka uppi með að almannatryggingarnar þurfa að niðurgreiða að hluta eða öllu leiti  fyrir afleiðingar lífernis eins og ofáts, ofdrykkju, hreyfingarleysis, steraneyslu, dópneyslu og síðast en ekki síst heimsku.

Ef hægt er að niðurgreiða meðferð hjá fullorði fólki vegna ólifnaðar og heimsku, því þá ekki að aðstoða börnin okkar líka?

 

Frábær dagur í Fjölskyldu og húsdýragarðinum

Í dag bauð Lyf og heilsa starfmönnum sínum og fjölskyldum þeirra í Fjölskyldu og húsdýragarðinn. Þar sem ég hef ekki komið þangað í um það bil 2 ár greip ég tækifærið og leyfði heimasætunni að bjóða einni frænku sinni og einni vinkonu með.

Við vorum mættar í sól og blíðu rúmlega 11 í morgun. Dagspassar biðu okkar við innganginn og brosin á andlitum stelpnanna, þegar þær uppgötvuðu að það þýddi ótakmarkaðan aðgang að tækjunum, hefðu getað brætt heilann borgarísjaka. Eftir að hafa skoðað selina var farið í tækin eitt af öðru og helst nokkrar ferðir í hvert. Á hádegi var svo stjórn starfsmannafélagsins mætt til að grilla pylsur ofan í mannskapinn og auk þess fengu börnin veglegan glaðning. Stelpurnar mínar héldu áfram að skemmta sér fram eftir degi og verð ég að segja að mér þótti sérstaklega gaman að sjá að garðurinn er mjög fallegur, tandurhreinn og snyrtilegur. Mæli með því að fólk geri sér ferð þangað sem fyrst.

Það er gaman þegar fyrirtæki gera vel við starfsfólkið sitt og það er ómetanlegt að hafa svona perlu á miðju höfuðborgarsvæðinu.

17. júní

Mikið rosalega er ég ánægð!  Ég var að skoða veðurspánna fyrir þjóðhátíðardaginn okkar, þriðjudaginn 17. júní og samkvæmt mbl á að vera glampandi sól og blíða. Verður maður ekki bara að halda í vonina?

Verðtrygging?

Guð blessar prinsinn! Mikið óskaplega var Kalli heppinn að ekki skuli hafa verið verðtrygging í gangi á tímabilinu!

Karl prins greiddi 350 ára gamla skuld

Sól, rigning og sumarfrí

Í dag held ég að ég sé bara oggu-lítið abbó út í eina systur mína. Hún skrapp nefnilega til sólarlands og kemur ekki heim aftur fyrr en eftir ca 6 vikur. Hugsið ykkur bara að vera í bongó blíðu langt fram í júlí. Jæja ég verð bara að vona að hér stytti upp og sólin skíni allar helgar í júní og hreinlega alla daga í júlí, það má rigna á nóttunni. Sendi ykkur í sólinni samt mínar allra bestu kveðjur héðan úr rigningunni og rokinu.

Annars held ég að sumarið hér verði svolítið upp og (en því miður aðeins meira) niður.

Frönsk og fín

Daman mjög prinsessuleg, herrann nútímalegur eins og bróðir sinn og jafn grátgjarn.

Danir fengu nýja prinsessu

Krakkakjánar, fífl eða forhertir glæpamenn

Maður heyrði í denn fólk hóta börnunum sínum að þau yrðu bara seld ef þau hættu ekki að vera svona óþekk. Eins heyrir maður enn þann dag í dag að fólk hótar börnum sínum því að skilja þau eftir út í búð ef þau ekki hlýði, svona gæti verið tekið mjög alvarlega í USA og víðar. Er þetta ekki bara einhver kjána töffaraskapur, þau hafi ekki gert sér grein fyrir því að eBay er ekki brandarasíða.

Auglýstu barn til sölu á eBay á eina evru

Lyf gegn nikótínfíkn

Champix inniheldur ekki nikótín og á ekki að rugla saman við nikótín-tyggjó, eða önnur lyf sem innihalda nikótín. Meðferð með Champix er allt önnur en með nikótínlyfjum og aukaverkannir allt aðrar.

Nikótínlyfið Champix: Sofna við stýrið og keyra út af

Önnur eða ekki

Tek eftir að talað er um að hin franska Marie verði önnur eiginkona Jóakims en ekki seinni. Það er örugglega skynsamlegt í ljósi sögunnar hjá fína og fræga fólkinu.

Ps. Smá fróðleikur fyrir ættingja mína, þá hét langamma mín Hansína Marie.

Konunglegt brúðkaup í Danmörku

Raunveruleg spá?

Hvenær er spá ekki óraunveruleg? Eftir að hún hefur ræst. Er að spá í helgarferð í sól og blíðu.  Hvað kostar flug á Egilsstaði fyrir 3.

 

Næstum óraunveruleg veðurspá