Hans-ína

Það er gaman að velta fyrir sér hvernig sum nöfn hafa orðið til og af hverju önnur hafa ekki orðið til! Til dæmis mitt, Hansína, af hverju ekki Hennarína (jafnrétti takk) eða Þeirraína.

Þessi eru til:Hansína, Einarína, Jakobína, Pálína, Jónína, Tómasína, Jensína, Vilhelmína, Magnúsína, Hermína, Ólafína, Guðmundína, Árnína, Georgína og Gíslína. 

En ekki:Geirína, Sigurðína, Þórðarína, Halldórína, Arnarína, Óskarína, Grétarína, Bjarnína, Kristjánína, Gunnarína, Friðjónína, Jóhannína, Ingólfína, Gústafína.

Fallegu nöfnin Kolbrún og Svanhvít eru algeng.

En þessi ekki til:Kolsvört, Biksvört, Eldrauð, Heiðgul, Gráblá, Heiðblá, Sægræn, Hrímhvít og Fjólublá.

Viðurnefnið BRENNUVARGUR

Brennuvargur er virkilega ljótt viðurnefni og settur hroll að fólki.

Því miður virðist þeim fara fjölgandi sem eiga þann titil skilið miðað við aukinn fjölda eldsvoða af mannavöldum.

Undanfarna mánuði hefur meðal annars verið kveikt í bílum, íbúðarhúsnæði, hesthúsi, sinu og skógræktarlandi. Þeir sem þetta gera virðast ekki færir um að hugsað lengra en nef þeirra nær og engan veginn geta sett sig í spor annarra, eru bara ekki færir um það. 

Raunar ættu þeir samt sem áður að geta hugsað um sjálfa sig; eru þessir hræðulegu gjörningar virkilega þess virði að vera síðan brennimerktir í hugum þjóðarinnar, vina, ástvina sinna og fjölskyldu sinnar, BRENNUVARGUR. 

Fjórir sinubrunar í nótt

BRENNUVARGUR?

Brennuvargur er virkilega ljótt viðurnefni og settur hroll að fólki. Því miður virðist þeim fara fjölgandi sem eiga þann titil skilið miðað við aukinn fjölda eldsvoða af mannavöldum.

Undanfarna mánuði hefur meðal annars verið kveikt í bílum, íbúðarhúsnæði, hesthúsi, sinu og skógræktarlandi. Þeir sem þetta gera virðast ekki færir um að hugsað lengra en nef þeirra nær og engan veginn geta sett sig í spor annarra eru bara ekki færir um það. 

Raunar ættu þeir samt sem áður að geta hugsað um sjálfa sig; eru þessir hræðulegu gjörningar virkilega þess virði að vera síðan brennimerktir í hugum þjóðarinnar, vina, ástvina sinna og fjölskyldu sinnar, BRENNUVARGUR. 

Annríki slökkviliðs

Að koma upp um sig

Hvernig væri að þjóðin færi að berjast fyrir atvinnubílstjóra á sama hátt og þeir fyrir þjóðina: Tefja og hindra för þeirra! Er mest hrædd um að þeir komi þá upp um sig; leggist á flautuna, í stað þess að gleðjast og þakka fyrir stuðninginn!

Fyrir MIG?

Ég biðst undan því að atvinnubílstjórar haldi áfram baráttu sinni fyrir mig!

 

Sturla: Ég berst fyrir ykkur

Taka 2 Ungfrú Reykjavík

Mikið varð ég fegin þegar mér var bent á að þetta var víst bara keppnin um Ungfrú Reykjavík sem ég var að horfa á með hægra auganu í gærkvöld.

Það hefði verið fyrirkvíðanlegt fyrir fallegu stúlkuna sem vann að burðast með þessa ómögulegu kórónu ,,sem vildi ekki festast´´ um hálfan heiminn í opinberum erindum. Allt annað fyrst það er bara hér á skerinu.

Að segja af sér

Umræðan hjá bloggurum vegna uppsagnar Láru Ómarsdóttur er oft mjög dónaleg og að mér finnst ómakleg. Held að almenningur þurfi ekki að tapa sér yfir svona orðum í hita leiksins.  Hún missti þetta útúr sér og sumir hafa hreinlega ,,sparkað í liggjandi konu'' í stað þess að virða ábyrgðarfulla ákvörðun hennar.

Lára er auðvitað ekki að segja upp starfi sínu upp á grín og reyndar finnst mér afsökunar beiðni hefði átt að nægja, það er ekki eins og hún hafi lamið neinn.

Vonandi að það komist ekki í tísku að segja upp starfi sínu bara til að sýnast, þá missir það marks og enginn tekur mark á svo afdrifaríkri ákvörðun. Hins vegar eru til menn og konur í ábyrgðarstöðum sem hefðu átt að vera löngu búnar að segja af sér bæði vegna gjörða sinna og orða.

Ungfrú Ísland!

Núna var ég að enda við að horfa (með öðru auganu og með köflum) á krýningu ungfrú Ísland.

Allar stúlkurnar dásamlega huggulegar og vel þjálfaðar, engin datt (held ég).

Ég vona bara að þeir láti laga kórónu drusluna fyrir næstu keppni svo aumingja ungfrúin þurfi ekki að standa eins og flón með kórónuna á öðru eyranu. Kemur sennilega ekki vel út á forsíðum blaðanna á morgun!

Svo mætti alveg biðja kynnana að bæta málfarið,dæmi bjóðum Jónínu Jónsdóttir velkomna á sviðið, auðvitað á þetta að vera Jónínu Jónsdóttur... og ef um dömu sem heitir tveimur nöfnum var bara happa og glappa hvort bæði nöfnin beygð. Öllum getur orðið ,,fótaskortur á tungunni'' bara ekki alveg svona oft.

Bráðum kemur betri tíð með.........

Gleðilegt sumar og takk fyrir veturinn.

Þetta er virkilega gaman að segja vegna þess að bestu mánuðir ársinns eru frammundan.

Allir út að leika og njóta veðursins eða hvað?

Nú er lag að draga framm allt sumar dótið, sérstaklega fyrir börnin. Sumarið er þeirra aðal útivistatími.

Hildur, Stulli og strákarnir til hamingju með húsið og við hlökkum til að mæta í sælugarðinn og njóta blíðunnar með ykkur.

Dr. Gillian McKeith

Gillian McKeith er um margt merkileg og hefur hjálpað morgum til að bæta mataræði sitt. Margir hafa hætt að vera feitar, sí lasnar ruslafötur og náð kjörþyngd og betri heilsu með hennar ráðum.

Það var ansi fróðlegt að lesa bókina hennar: Þú ert það sem þú borðar. Ég las megnið af henni í fyrra sumar og tók prófin samviskusamlega en féll gjörsamlega flöt. En í stað þess að skamma mig olli ég þessari ágætu konu áhyggjum og kom henni til að gráta. Jú hér er niðurstaðan úr prófinu á bls.61: ''STANS! hreyfðu þig ekki! Ég hef miklar áhyggjur af þér. Þú ert í virkilega vondum málum. '' og síðan ''Ég hreinlega grátbið þig um að byrja strax að tileinka þér Mataræði gnægðarinnar.'' Ég skammaðist mín í botn og tók mig í gegn en ekki greinilega af neinni ferstu því nú tæpu ári síðar er ég enn innan þeirra marka sem gefa þetta svar. Ég hef því ákveðið að herða mig verulega á næstu vikum og ná upp í næsta svar sem er eitthvað á þessa leið ''Þú ert að reyna og það eru góðar fréttir, en ekki nógu mikið.'' Þetta er að vísu ekki merkilegt svar en allavega hættir hún þá að gráta yfir ástandinu.

Hinsvegar verð ég að segja að ef ekki væri fyrir hana Sollu og Himneska hollustu, þá féllust mér gjörsamlega hendur því ekki kann maður að matbúa svona ofur hollustu. Mæli með uppskriftunum hennar sérstaklega þeirri sem er aftan á kakóduftinu hennar, bara prófa síðan má spinna endalaust minnka kakóið, bæta í rúsínum og breyta um hnetur. Þetta gúmelaði heldur manni frá súkkulaðinu með hvíta sykrinum og hertu fitunni. 

ps. Vona bara að ég hafi nóg af gæsalöppum! (Ekki til að borða, heldur til að vera ekki sökuð um ritstuld!)